Хүн худалдах үзэгдэл нийгэмд ужгирч буйг Ардчилсан нам буруушааж төрийн холбогдох байгууллагууд энэ гэмт үйлдлийг үндсээр нь таслан зогсоох талаар зарим шуурхай арга хэмжээг авах ёстой гэж үзэж буйгаа илэрхийлэв. Ардчилсан намаас УИХ-д сонгогдсон зарим гишүүнээс хүн наймаалах гэмт хэргийг таслан зогсоох, түүнтэй тэмцэх талаар хуулийн төсөл санаачилж УИХ-д өргөн барихаар боллоо. Мөн хүн наймаалахын эсрэг олон улсын конвенцид Монгол Улс нэгдэн орсон эсэх, энэ талаар олон улсын эрх зүйн хэмжээнд боловсрогдсон холбогдох баримт бичгүүдийг судлах ажлын хэсэг байгуулагджээ.
Нийгэмд газар авч буй энэ явдалд Засгийн газар тодорхой арга хэмжээ авах ёстой гэж үзэн Ерөнхий сайдад энэ асуудлаар асуулга тавихаар боллоо.
Энэхүү хүнлэг бус үзэгдлийг олон нийтийн оролцоо дэмжлэгтэйгээр таслан зогсоох ёстой гэж үзэн холбогдох төрийн байгууллага, хүний эрхийн асуудлаар ажилладаг төрийн бус байгууллагууд, иргэд, эцэг эхчүүдийн уулзалтыг зохион байгуулахаар шийдсэн байна гэж Ардчилсан намын Хэвлэл мэдээллийн албанаас мэдээллээ.